‘t Archief vanne Gezeusters Siem

De Heemkundevereniging Nederweert organiseert op dinsdag 12 januari 2016 om 20:00 uur een bijeenkomst die staat in het teken van “‘t Archief vanne Gezeusters Siem“. De bijeenkomst wordt gehouden in Zaal Centraal aan de Kerkstraat 59 in Nederweert. Siem Peters zal de inleiding verzorgen.

‘t Archief vanne Gezeusters Siem

‘n Paar jaor geleeje stôrf op hoeëge laeftiêd Truus, ‘t lèste overlaevendje lid van ‘t gezin van Siem Peters oetbater en naamgaever vanne kefee naeve de kêrk, en Elisabeth Overmans
Ze woeëndje d’r al lang neet mieër, ‘t pandj loog al jaorelânk leeg. D’n inventaris stong der nog groeëtendeils in, mer wat klein meubele en de persoeënlike spulle woren al ieërder door Toos, de aodste van de dri-j gezeusters, ewèg gehaaldj en mei-j genome nao de now behoezing, ‘n bitje wieterop inne Kerkstraot.

Nao de begraefenis van Truus móst ‘t lèst gebroekdje woeënhoês leeg gehaaldj waeren um verkochtj te konne waere. Groeët waas de verwongering tow waal 20 doeëze, duuëskes, kisjes en klappers teveurschien kwome met dao in waal 1000 (!!) aoj foto’s, persuuënlike breêve, daâgbeuk, ansichtkaarte, zakelike correspondentie en zoeë wieter over ‘n periode van waal 80 jaor.

Aan de handj van ‘n hieël deil foto’s en daobî-j huuërendje verhaole en overleveringe zal Siem van Rich van Siem ‘n inleiding gaeve in de vorm van ‘n klein femiêlie kroniek vanne periode 1896 – 1980.
Lang neet alles wat aan informatie getoeëndj zal waere ès komplieët, daorum zal ouch aan ‘t publiek daen aovendj gevraogdj waeren um aanvöllingen en kommentaar te gaeve.

Van ‘t pandj (café) bî-j Siem ès veul bekindj. Mer dan vörâl over ‘t gebouw en de boetekântj van ‘t laeve van de gezeusters Siem. Siem Peters geuft uch via dees laezing ‘nen inkiêk in ‘t laeve van de gezeusters aan de hândj van ‘t femielie archief. Dit ès ‘n eînmaolige kans um ouch us âchter de schêrme te kieke bî-j de gezeusters. Dit weurtj ‘nen aovendj dae-djen echt neet mótj misse.