Prins Pieter en Prinses Linn voorop tijdens Vastelaovendj IKC de Kerneel

Op 11 januari was het bij IKC de Kerneel “Ut es um te gille, vae draage gekke brille” dag! Op deze dag mochten alle kinderen met hun allergekste, allergrootste of allergrappigste bril naar school komen. Naast dit alles werd ook het Prinsenpaar van de Kerneel die dag uitgeroepen.

Dit jaar gaan prins Pieter Camp en prinses Linn van Eijk voorop tijdens de vastelaovundj op IKC de Kerneel. Pieter en Linn zitten allebei in groep 8, bij juf Linda en meester René. Tren en Lisa zijn de adjudanten van het prinsenpaar.

Zij hebben het volgende devies: “Pinmaeker en Rogstaeker des uniek, same fieëste in ut Kernieëlkesrieëk“

Proklamaasie
Prîns Pieter d’n 1^e en Prînses Linn

Vannoet de residensie van ut Kernieëlkesrieëk:

Ich Prins Pieter d’n ieërste….(ze neume mich meistal Pietje of Pier) Jongste zoeën vanne femiêlie Camp (gae wetj waal van di-j zeilmakeri-j oppe Pannenwieëg!) Zoeën van Remco van Wim van Sjefke van Mei-je Mieke en Marianne Beursgens en van Rosan dochter van Jos Van Metsers Harrie en Toos van Dries van Appele Berb.  Ich heb ouch ’n broor….Willem,  ‘nne hoond Sjefke en 2 katte Pim en Dip. Same woeëne vae aanne Luuëkerstraot in Wieërt. Jao ich bin ‘nne echte Rogstaeker en zit now vör ‘t 2^e jaor inne Jeugdraod vanne Rogstaekers. Ich bin ‘nne voetballer in hert en neere en doon det inne D1 beej de Moosdieëk op Luuëke. Ouch ving ich ’t sjieëk um truckskes oppe trampoline te doon. Waat betreft ’t aete….Gruite, det doon ich allein heej op schoeël, dootj mich mer ‘nne Pizza! Mieën allergroeëtste hobby es Optocht loupe, vuuërig jaor haaij ich nog de “Humor Priês” vanne groeëte schoeële optocht te pakke. Ich gaon d’r gruuëts op det ich dit jaor as Prîns van ’t Kernieëlkesrieëk met mieën Prînses Linn de optocht moog loupe….alhoewel loupe…vae laote os ri-je… Ich gaef heej beej te kinne det ich saame met mieën prînses Linn veurop zal gaon tieëdes deeze vastelaovendj in ut Kernieëlkesrieëk. Prînses Linn wiltj zich gaer zelluf efkes aan uch veurstelle.

Ich prinses Linn jongste telg oet ut gezin Van Eijk. Vae woeene op de Hoeege Notte. Mieen pap is Roland, unne zoeen van Harrie van Klumpe Tjeu en Gerda van Willem Cloudt. Mieen mam is Ellen, un dochter van Huub van Moeenes Tjeu en Mia van Scherpendieks Pier. Weej kreege ze det vreuger toch allemaol verzonne.

Ich heb auch unne broor. En dae hetj Ries. Ries waas in 2016 Jeugprins beej de Pinmaekers. Mieene Cavia Puk maaktj oos gezin compleet. Puk is mieen maatje, dae deut niks leever dan d’n hieele daag greuntjes aete. Ich bin unne echte vastelaovendj veerder. Zoee bin ich dansmarietje beej de Ni-jwieerter Pinkes. Vae beginne eder jaor al in april met oefene veur de dans van het volgendje Vastelaovendj sezoen. Auch dit jaor hebbe vae weer een sjieke dans. Ich hoop dejjae met deej daag allemaol komtj kieeke. Verder ving ich basketbal kei gaaf. Ich bin lid beej de U12 van Jumping Giants in Ni-jwieert. Vae winne neet alles mer hebbe groeette lol én det is waat belangrieek is.

Mieen leevelingsaete is Mexicaans. Det is dan auch ut enige wao ze mich ’s nachts veur wakker kinne make. Auch kiek ich gaer een filmke op Youtube. Ich ving Enzo Knol en Onnedi kei gaaf. En neteurlik in de vastelaovendj tieed kiek én loester ich völ nao vastelaovendj meziek.

Vae laote uch weete det:

1. Vae met de vastelaovendj veurop zulle gaon in ut Kernieelkesrieek.
2. Det same doon met oos adjudante Tren en Lisa
3. Det eederein met moog doon zoeedet vae d’r saame un knal fieest van kunne make
4. Op donderdig 1 fibrewari de prinseresepsie is.
5. Det eederein is oetgenueedigdj
6. Vae super vol zin hebbe in de groette scholenoptocht op 9 fibrewari
7. Vae deeze vastelaovendj gaon regeere onger oos devies: “Pinmaeker en Rogstaeker des Uniek, same fieëste in ut Kernieëlkesrieëk “

Alaaf