Isabel Donkers | Wichter vanne basisschole van Nî-jwieërt declamere

’n Paar waekskes geleje hebbe vae ‘ne opreup gedaon nao de wichter vanne basisschole van Nî-jwieërt um ’n gedicht te declamere.

Gedicht declamere

14 wichter hebbe zich gemeldj en zich vrieët oetgestöktj um ’t gekoze gedicht oette kop te lieëre. Waat zeen vae gruuëts op ze. Ze hebbe haard gewêrktj en ’t rizzeltaat kujje op Nederweert24 gaon bekieke. ’t Ein gedicht és wat langer as ’t ânger, klein wichter klein gedicht, de groeëter ’n langer gedicht. De komendje 14 daag kujje ál daag kieke en loestere nao ’n gedicht. Geneetj d’r van! ’t És de moote waerd.

Isabel Donkers Groep 5 De Kerneel Ni-jwieërt

LOGERE

Mien eîge béd
Blieftj leeg vannacht,
Want ich gaon uut logere.
Waal akelig huuër,
mer ich wil ’t
Vör éín nachtje probere.

En as ’t leuk és,
Blief ich wég
Meschien waal hieël völ nachte.
Dan motte al mien spulkes,
Heej thoês mer op mich wachte.

Daag eîge béd,
Daag speulgoodkast,
Daag beuk, daag knuffeldeere
Gae zeetj mich waal ’ne kieër weer trök,
Mer ieërst gaon ich logere!

Tekst: Nanny Kuiper

Aangepasj Wieërtlands: Jan Moonen

Mej doon
En mochte d’r nog wichter zeen dî-j now ouch zin kriege um mej te doon, azje in ein waek ’t gedicht oette kop kuntj knalle dan meldj uch mér. Hejje gein gedicht? Vae hebbe d’r zát um oet te keze.