Rick van Hulsen | Wichter vanne basisschole van Nî-jwieërt declamere

’n Paar waekskes geleje hebbe vae ‘ne opreup gedaon nao de wichter vanne basisschole van Nî-jwieërt um ’n gedicht te declamere.

Gedicht declamere

14 wichter hebbe zich gemeldj en zich vrieët oetgestöktj um ’t gekoze gedicht oette kop te lieëre. Waat zeen vae gruuëts op ze. Ze hebbe haard gewêrktj en ’t rizzeltaat kujje op Nederweert24 gaon bekieke. ’t Ein gedicht és wat langer as ’t ânger, klein wichter klein gedicht, de groeëter ’n langer gedicht. De komendje 14 daag kujje ál daag kieke en loestere nao ’n gedicht. Geneetj d’r van! ’t És de moote waerd.

Rick van Hulsen Groep 5 De Schrank Doospel

MIEN VRIENDJE

Mien vriendje is neet van heej, hae keumtj van wiêt-e-wég
Van woeë hae neet kos bliêve, hae mos vluchte, dao waasj slecht
Zien hoês, zien spuuëlgood, alles kepot
Det ving ich zielig, det ving ich rot
Hae kwoom heej en kos nemes verstaon
Alles ging met gebare
Wis neet woeë hae haer mos gaon
ieërst dacht ich: “Waat ‘ne rare“

Toch spriktj hae noow oeës dialekt
Al is ’t soms gebrekkig
Nog neet hieëlemaol perfect
Mer hae és weer gelökkig
Same zînge en sprînge
Same lache en traone laote
Same geheimpjes vertélle, leuke dînge
Same oeëver vanalles kalle

Same laeve, same mét mekaar
Leefdje gaeve, ’t is mer e gebaar
Det deut gein pien, maar deut zoeëvöl mieër
Daoröm dînk ich edere kieër
Al hétdje Hassan, Isa of Heleen
Vae zeen allemaol same
Laotj os same wichter zeen

Tekst: Leo de Ronde, Venlo

Aanpassing Wieërtlands: Jan Moonen

Mej doon
En mochte d’r nog wichter zeen dî-j now ouch zin kriege um mej te doon, azje in ein waek ’t gedicht oette kop kuntj knalle dan meldj uch mér. Hejje gein gedicht? Vae hebbe d’r zát um oet te keze.