Yentl Moonen | Wichter vanne basisschole van Nî-jwieërt declamere

’n Paar waekskes geleje hebbe vae ‘ne opreup gedaon nao de wichter vanne basisschole van Nî-jwieërt um ’n gedicht te declamere.

Gedicht declamere

14 wichter hebbe zich gemeldj en zich vrieët oetgestöktj um ’t gekoze gedicht oette kop te lieëre. Waat zeen vae gruuëts op ze. Ze hebbe haard gewêrktj en ’t rizzeltaat kujje op Nederweert24 gaon bekieke. ’t Ein gedicht és wat langer as ’t ânger, klein wichter klein gedicht, de groeëter ’n langer gedicht. De komendje 14 daag kujje ál daag kieke en loestere nao ’n gedicht. Geneetj d’r van! ’t És de moote waerd.

Yentl Moonen Groep 5 De Kerneel Ni-jwieërt

‘ne Wîndj

Woeërum weurtj soms gelache um ‘ne wîndj?
Of hae noow keumtj van mân, vraw of ’n kîndj
’t Is toch echt puur natuur
Smeuïg, zelf gemaaktj en zaocht van structuur.

Ge veultj uch daonao zoeë opgeluchtj
’t Gieët vanzelf soonger völ gezucht.
Wîndj laote ve mét z’n alle
’t És net of twieë luj same staon te kalle.

Sommige kaome fluûsterendj nao boete
Dao zeen d’r ouch di-j piepe, fluite of toête.
Egaal weem ’t és, broêdegom of broêd
Asse klaor és motte d’r oet.

D’r és gein plaats mieër in dae inge boêk
Gânk mer oeëpe det achterste loêk.
Dae wîndj veultj zich good inne vreeje natuur
Edereîn kan mét genete, de rechter en ouch de lînker buur.

Niêptj de bille noow neet mieër beejeîn
Zoeë ’n verlichting és toch super fein.
Zégktj gewoeën “sorry”, ich heb ’t gedaon
Mer in ’t vervolg zal ich nao boete gaon.

Tekst: José Verheyen