Fab Hermans | Wichter vanne basisschole van Nî-jwieërt declamere

’n Paar waekskes geleje hebbe vae ‘ne opreup gedaon nao de wichter vanne basisschole van Nî-jwieërt um ’n gedicht te declamere.

Gedicht declamere

14 wichter hebbe zich gemeldj en zich vrieët oetgestöktj um ’t gekoze gedicht oette kop te lieëre. Waat zeen vae gruuëts op ze. Ze hebbe haard gewêrktj en ’t rizzeltaat kujje op Nederweert24 gaon bekieke. ’t Ein gedicht és wat langer as ’t ânger, klein wichter klein gedicht, de groeëter ’n langer gedicht. De komendje 14 daag kujje ál daag kieke en loestere nao ’n gedicht. Geneetj d’r van! ’t És de moote waerd.

Fab Hermans Groep 2 De Schrank Doospel

BELLE BLAOZE

Groeëte belle, klein belle,

tevöl om allemaol te telle.

Ich blaos ze mét ‘ne groeëte zucht

van zeîp en water door de löcht.

In schoeën kleure: roeëd, gael, blaw,

kiek dao gaon ze, pak ze, gaw!

Net as ich dînk; waat és dit fein

knalle ze opins oetreîn.

Tekst: Suzanne Verkooijen, Ni-jwieërt

Mej doon
En mochte d’r nog wichter zeen dî-j now ouch zin kriege um mej te doon, azje in ein waek ’t gedicht oette kop kuntj knalle dan meldj uch mér. Hejje gein gedicht? Vae hebbe d’r zát um oet te keze.