Nina van Heugten | Wichter vanne basisschole van Nî-jwieërt declamere

’n Paar waekskes geleje hebbe vae ‘ne opreup gedaon nao de wichter vanne basisschole van Nî-jwieërt um ’n gedicht te declamere.

Gedicht declamere

14 wichter hebbe zich gemeldj en zich vrieët oetgestöktj um ’t gekoze gedicht oette kop te lieëre. Waat zeen vae gruuëts op ze. Ze hebbe haard gewêrktj en ’t rizzeltaat kujje op Nederweert24 gaon bekieke. ’t Ein gedicht és wat langer as ’t ânger, klein wichter klein gedicht, de groeëter ’n langer gedicht. De komendje 14 daag kujje ál daag kieke en loestere nao ’n gedicht. Geneetj d’r van! ’t És de moote waerd.

Nina van Heugten Groep 5 De Schrank Doospel

SPRUÛTJES

Bah!  Ich lös gein spruûtjes, getverderrie!
Det geuftj beej os allein mer herrie
“Ze zeen gezoond”, zieët mien mam
Mer zelf heb ich leêver ‘ne boterham.

Spruûtjes zeen vies, spruûtjes…..di-j stînke
Opaete? Bah! ’t Zeen êrte, mer dan van di-j flînke
Ich baal wi-j ‘ne stekker
Want di-j groeëte êrte zeen hieël neet lekker.

Gelökkig hebbe vae thoês ‘nen hoond
Dae kriegtj stiekem mien spruûtjes
Dan blieftj dae ouch gezoond!

Tekst: Hans Jacobs, Venlo

Aanpassing Wieërtlands: Jan Moonen

Mej doon
En mochte d’r nog wichter zeen dî-j now ouch zin kriege um mej te doon, azje in ein waek ’t gedicht oette kop kuntj knalle dan meldj uch mér. Hejje gein gedicht? Vae hebbe d’r zát um oet te keze.