Lotte Jetten | Wichter vanne basisschole van Nî-jwieërt declamere

’n Paar waekskes geleje hebbe vae ‘ne opreup gedaon nao de wichter vanne basisschole van Nî-jwieërt um ’n gedicht te declamere.

Gedicht declamere

14 wichter hebbe zich gemeldj en zich vrieët oetgestöktj um ’t gekoze gedicht oette kop te lieëre. Waat zeen vae gruuëts op ze. Ze hebbe haard gewêrktj en ’t rizzeltaat kujje op Nederweert24 gaon bekieke. ’t Ein gedicht és wat langer as ’t ânger, klein wichter klein gedicht, de groeëter ’n langer gedicht. De komendje 14 daag kujje ál daag kieke en loestere nao ’n gedicht. Geneetj d’r van! ’t És de moote waerd.

Lotte Jetten Groep 8 De Kerneel Ni-jwieërt

KEESJE KRÎNTEKOOK

Kabouter Keesje Krîntekook
Woeëntj hieël sjiek in e prêntebook
Precies op blaedje tieën

Mer edere nacht dan zeet hae:
Kom, ich wandel ’s e blaedje um
dan kin ich nog ’s emes zeen

Soms gieët hae nao de toverfieë
di-j woeëntj hieëlemaol op blaedje twieë
En beej de kloon van bladzi-j elf
dao lachdje uch hieëlemaol slap, det spriktj vanzelf

Hae  gieët ouch gaer nao blaedje zés
Dao woeëntj Pepita Tierelier, ’n klein danseres
Hae paktj vör eur e bleumke mej
En same drînke ze thieë, ’n teske of drej

’t Bekkerke van blaedje viêf
Kloptj op det memênt de slaâgroum stiêf
En zoeë gieët Keesje Krîntekook
Dan ’s heej, dan ’s dao doeër hieël ’t prêntebook

Mer ens in ’t jaor op zieëve mieërt
As Keesje ziene verjaordaâg viertj
Dan kaome ze allemaol beej HEM aan hoês
En és ’t fieëst beej Keesje thoês

Ze drînke dan gezellig op blaedje tieën
E lekker glaeske krîntewiên!
Lea Smulders

Vertaaldj doeër: Mien Barents-Coumans, Wieërt

Mej doon
En mochte d’r nog wichter zeen dî-j now ouch zin kriege um mej te doon, azje in ein waek ’t gedicht oette kop kuntj knalle dan meldj uch mér. Hejje gein gedicht? Vae hebbe d’r zát um oet te keze.