Aafgeloupe zondig naam Jos Douven nao 11 jaor aafscheid as vorst vanne Vlikkestaekers oet Doospel. Ziene opvolger is Vorst Eric. Hae steltj zich zelluf efkes aan uch veur.
Vorst Eric
Miene naam is Eric Slaats, bin 47 jaor en jongste oet un gezin van 9 wichter. Gebore en opgegruidj oppe Waatskamp in Doospel. Ich bin getrouwdj met Margo Wijen en vae hebbe same un dochter en unne zoon: Kimberley en Robin. Ich bin werkzaam as bedriefsleider beej de Jumbo Heerschap op Moesel (Wieërt). Boete de vastelaovundj heb ich as hobby voetballe en waal beej de veterane van RKSVO. Vae hebbe same 16 jaor in Ni-jwieërt gewoeëndj en dao bin ich in 1996 prins van CV de Bengels gewaesj . Tot 2010 zeen vae auch lid gebleve van dees gezellige vereiniging. Miene zoon Robin zaat in 2012 in de ieërste jeugdraod vanne Jong Vlikke. Dit zurgdje dur vur det vae in 2013 lid zeen gewore van dees prachtige vereiniging: de Vlikkestaekers!
Vastelaovundj is vur mich un fieëst det op de 11e vanne 11 begint en deurtj tot aswoonsdig, waonao de bezinning begintj. Dit fieëst bestieët volges mich oet 3 belangrieke dinger: lol, plezeer en respekt vur en nao eederein, waat de saamhorigheid in ut dorp met de zustervereiniginge allein mer sterker maaktj.
Same met alle Vlikkestaekers, Jong Vlikkestaekers, Vlikkepöpkes, Oze Hoempa en alle zustervereiniginge wil ich dit blieve waormake vur de komendje 11 jaor, want dit volksfieëst mot blieve bestaon. Vastelaovundj same en vae zeen uch gaer beej ein van oos aktiviteite!
Er zijn nog geen reacties geplaatst.